Millətlər Liqasında Azərbaycan və Ermənistan bir divizionda yarışacaq
2018-ci ilin sentyabr-noyabr aylarında URFA Mİllətlər Liqası adlı yeni turnir keçiriləcək. Bu turnirin 4 qalibi 2020-ci ilin Avropa çempionatının final mərhələsinə birbaşa vəsiqə qazanacaq.
Virtualaz.org UEFA-nın rəsmi saytına istinadən xəbər verir ki, Azərbaycan milli komandası qüvvəcə nisbətən bərabər yığmaların yer aldığı “C” divizionunda yarışacaq. Maraqlıdır ki, Ermənistan millisi də həmin diviziona düşüb. Lakin UEFA-dan bildirildiyinə görə, Azərbaycan və Ermənistan milli komandaları ayrı-ayrı qruplara daxil ediləcəklər və görüşə bilməzlər.
Eyni vəziyyət “B” divizionunda da yaranıb – burada Rusiya və Ukrayna milliləri üz-üzə gələ bilərlər.
Qeyd edək ki, “A” divizionunda 4 qrupun qalibləri Avropa çempionatına vəsiqə ilə mükafatlandırılacaqlar. Qruplarda sonuncu yeri tutmuş komandalar daha aşağı diviziona keçəcək. Onların yerini isə aşağı diviziondakı qrupların qalibləri tutacaq.
Azərbaycanla birlikdə “C” divizionunda aşağıdakı komandalar yarışacaq: Yunanıstan, Rumıniya, Sloveniya, İsrail, Serbiya, Danimarka, Bolqarıstan, Albaniya, Şotlandiya, Çernoqoriya, Norveç, Litva, Kipr və Ermənistan.
