McDonald's: "İsrailin boykot edilməsi satışlara zərər verir"
McDonald's İsrail-Fələstin münaqişəsi səbəbiylə dünya miqyasında edilən boykotların satışlarına zərər vurduğunu açıqlayıb.
McDonald's satış hədəfinə çata bilməyib. Şirkət eyni mağaza satışlarının üç ayda 3,4 faiz artdığını, lakin analitiklərin təqribən 4,9 faiz artım gözləntilərinin altında olduğunu bildirib.
Şirkətin baş maliyyə direktoru Ian Borden, müharibənin fast food nəhənginin 2023-cü ilin son rübündə bölgədəki qazanclarına əhəmiyyətli dərəcədə təsir etdiyini söyləyib.
McDonald's-ın baş direktoru Chris Kempczinski rüblük konfransda investorlara müharibənin McDonald's-ın Yaxın Şərqdəki yerlərinə davam edən təsirin məyusedici və əsassız olduğunu bildirib.
O, Malayziya və İndoneziya kimi böyük müsəlman bazarlarındakı müştərilərin də boykot səbəbindən şirkətin məhsullarından uzaq durduqlarını vurğulayıb.
