Avropada rüşvət almağa meyilli çox siyasətçi var- mövqe

Murad Ağamiyev
"Demokrat Gənclər Hərəkatı"-nın lideri, "İsrail-Azərbaycan Gənclərinin Həmrəylik və Qardaşlıq Klubu"nun prezidenti, YAP üzvü

Avropa Şurası Parlament Assambleyası 22 apreldə üzərində 10 ay çalışdığı Azərbaycanla bağlı 219 səhifəlik hesabatını təqdim edib. Çox böyük təəssüf doğuran məqam budur ki, 10 ay əlləşib-vuruşub Azərbaycan əleyhinə heç bir əsası olmayan 219 səhifə qara məlumatlar dərc ediblər.
Dünya mətbuatı isə bütün bu provakasiyaları açıq şəkildə bildiyi halda geniş formada işıqlandırıb.

Mənim üçün şəxsən çox maraqlıdır, bu 219 səhifə hesabat hansı mənbələr əsasında təqdim olunub. Rəsmi və real informasiyaların orada dərc edilməsi barəsində təminat nədir və s.
Əminliklə qeyd edə bilərəm ki, orada o 219 səhifənin içərisində bir neçə səhifə həqiqəti əks etdirər, ya yox. Qalan bütün hesabat materialı saxtadır.
Mən kürünün, xalçanın, daş-qaşın və hər hansı miqdarda maliyyə vəsaitinin ölkəmizdə hansısa yüksək ranqlı məmurlar tərəfindən şəxsi maraqlar və mənfəət üçün kimlərəsə hədiyyə edildiyini danmıram. Çünki hamımız çox gözəl bilirik ki, məmurlarımız siyasətdən əlavə bizneslə məşğul olan adamlardı. İdxal və ixrac proseslərində yüksək dövriyyə həyata keçirirlər. Sözsüz ki, belə böyük biznes şəbəkələrinin çoxşaxəli fəaliyyətində onlar həm rəsmi, həm də qeyri-rəsmi prosedurlar, tələblərlə qarşılaşırlar. Xülasə, bütün bu həngamə içərisində qarşılıqlı sövdələşmə, hədiyyə etmə və s. danılmazdır. İndi mən o hesabatı təqdim edənlərə sual etsəm ki, bizimkilər kimlərəsə nə isə veribsə bəs sizinkilər bunun qarşılığında nələr edib??? İnanın səmimiyyətimə, bir dənə işə yarayan cavab verə bilməyəcəklər.
Hələ utanmaz-utanmaz bütün bu prosesləri gül kimi bilməklərinə baxmayaraq, dövlətin adına çıxarırlar hesabatı.
Bu hesabatın ən gülünc tərəfi ondadır ki, rüşvətxorluq və korrupsiyanı qınayan hesabatı təqdim edənlərin özlərinin rüşvətxor olması və rüşvət alması hesabatda öz əksini tapır. Bu səbəbdən də hesabat tamamilə keçərsizdir, ən azından ona görə ki bu hesabatda dərc edilən məsələlərin və iddiaların kimlərinsə pul ödəyərək sifariş verməsi ehtimalı var. Axı görünən odur ki, Avropada rüşvət almağa meyilli çox siyasətçi var!!!
İndi bir nəfər də çıxsın bunun əksinə inandırsın məni ...