Terrora çağırış xarakterli paylaşımlar bir saat içində internetdən silinəcək
Avropa Parlamenti (AP) internetdə terror tərkibli paylaşımların qarşısını almaq üçün onların provayderlər tərəfindən bir saat ərzində silinməsini şərtləndirən hüquqi tənzimləməni qəbul etdi.
AB Komissiyası tərəfindən hazırlanan yeni tənzimləmə ilə rəqəmsal platformaların, terror tərkibli olduğu göstərilən paylaşımları AB ölkələrində qısa müddətdə silməli və yazılara çıxışı ləğv etməli olacaq. Təlimatdan sonra 1 saat ərzində məzmunun silinməsi və ya bloklanması məcburi olacaq. Məzmunun silinməsi üçün təlimatın AB ölkələrinin "səlahiyyətli orqanları" tərəfindən rəqəmsal platformalara göndərilməsi istənəcək. Qanuni tənzimləmə, AB daxilində olub-olmamasından asılı olmayaraq internet domen təminatçıları üçün tətbiq ediləcək. Hüquqi tənzimləməni nəzərə almayaraq paylaşımın silinməməsi və ya qarşısı alınmadığı təqdirdə şirkətlər cərimələnəcək. Cəzanın həcmi həmin şirkətin qlobal illik dövriyyəsinin 4 faizi qədər ola bilər. Paylaşımı silinmiş şəxslər və ya müəssisələr şikayət etmək hüququna sahib olacaqlar. Təhsil, sənət, jurnalistika və araşdırma sahələrində bəzi istisnalar edilə bilər.
May ayından etibarən tətbiq ediləcək
AB Komissiyası, bəzi Avropa ölkələrində terror hücumlarından sonra qanuni tənzimləmə təklifini terroristlərin internetdən istifadə edərək radikallaşmasının, insan axtarışları və şiddəti təşviq etməsinin qarşısını almaq üçün 2018-ci ilin sentyabr ayında edib, 2020-ci ilin dekabrında isə bir fikir birliyinə gəlindi.
Tənzimləməni tənqid edən bəzi qeyri-hökumət təşkilatları və siyasətçilər, internet domen təmin edənlərə çox qısa bir müddət verildiyi üçün qanunun texnologiya şirkətlərini bəzi alqoritmləri istifadə etməyə məcbur edəcəyini, beləliklə bəzi paylaşımların terrorla əlaqəli olmasa belə bloklanacağını iddia edirdilər.
Bundan əlavə, heç bir məhkəmə nəzarətinin olmaması və bir ölkənin başqa bir ölkədəki paylaşımlarla bağlı məzmunun silinməsinə əmr verilməsinin ifadə azadlığını təhdid etdiyi və demokratiyanı təhlükəyə atdığı bildirilirdi.
AB ölkələri gələn aydan etibarən qanunvericiliyi öz milli qanunlarına uyğunlaşdırmalıdırlar. Qanun bir ildən sonra Aİ-də tam tətbiq olunacaq.
NİGAR
