Misir arxeoloqları nəhəng timsahın mumiyasını aşkar ediblər
AFN maraqlı xəbərlər silsiləsindən növbəti məlumatı təqdim edir.
Misirdə dörd metr uzunluğunda olan timsah mumiyası aşkar edilib, hansı ki, qədimdə bu canlı su tanrısı hesab olunur və Sebeka adlandırılırdı. Tapıntı Nil çayı sahilində, Naq-Hammadi rayonunda aşkar edilib. Burada həmçinin firona və məbədə yaxın sayılan əsilzadələrin qəbirləri, eləcə də qədim Misrin baş tanrıları şərəfinə inşa olunmuş məbədlər də tapılıb.
Qazıntılar zamanı arxeoloqlar uzunluğu 1,2 metrə çatan daha bir neçə timsah mumiyaları da tapıblar. Mumiyalardan əlavə orada balzamlaşdırmanı həyata keçirmək üçün lazım olan alətlər də aşkar edilib. Tapıntının unikallığı ondadı ki, bu Sebekanın aşkar olunmuş ilk qalıqlarıdr. Qazıntılara qədər alimlər güman belə etmirdilər ki, Naq-Hammadi sakinləri onu tanrı hesab ediblər. Hazırda alimlər həmin zaman fironlardan hansının hakimiyyətdə olduğunu müəyyənləşdirməyə çalışırlar.
RAFİQ
