"BakuBus" avtobusunun qarşısında "at oynadan" "Porsche" niyə gizlədilir?- bir statusun izi ilə

Xəbərin çap versiyası
Tarix: 2-02-2018, 03:13    |    Xəbər oxunub: 2 273 dəfə
"BakuBus" avtobusunun qarşısında "at oynadan" "Porsche" niyə gizlədilir?-


Dünyada sosial şəbəkələrə KİV statusu verilməsi müzakirə edilir. Belə bir zamanda Azərbaycanda da sosial şəbəkələrdən istifadə sürətlə inkişaf dövrü keçməkdədir. Artıq bir çox hallarda rəsmi şəxslər də təmsil etdikləri qurumun mövqeyini sosial şəbəkələr üzərindən ictimailəşdirirlər. Belə paylaşımlardan biri də “BakuBus” MMC-nin rəsmi səhifəsinin və qurumun İctimaiyyətlə əlaqələr şöbəsinin müdiri Mansur Piriyevin ictimailəşdirdiyi video olub.

AFN xəbər verir ki, yanvarın 31-də yayımlanan video 175 saylı marşrutda kameraların yaddaşına yazılıb. Görüntülərdən və edilən qeyddən aydın olur ki, hadisə bir gün əvvəl, yanvarın 30-da baş verib. Marşruta qabaq qapıdan daxil olan gənc oğlan ödəniş etmədən arxaya tərəf irəliləyir və bu zaman sürücü səsgücləndirici vasitəsilə onu ödəniş etməyə səsləyir. “BakuBus” MMC və nümayəndəsi nədənsə sürücünün etdiyi kobudluğu bir tərəfə qoyaraq, həmin gəncin ödəniş etməməsini və sürücünün bir neçə dəfə alçaldıcı tonda ödənişə “dəvət etməsindən” hirslənərək nalayiq ifadələr işlətməsini qabardırlar. Təbii ki, ictimai yerdə söyüş söymək, nalayiq ifadələr səsləndirmək kimi halları biz də qətiyyətlə pisləyirik, lakin “BakuBus” MMC-nin və M.Piriyevin bu hadisədə iki tərəfdən birinin mövqeyini müdafiə etməsi də yolverilməzdir. Üstəlik, həmin şəxsin özünün icazəsi olmadan görüntülərin ictimailəşdirilməsi qurum tərəfindən ciddi hüquq pozuntusu kimi qeydə alınmalıdır. Belə ki, Azərbaycan Respublikasının Konstitusiyasının 32-ci maddəsinin III bəndində deyilir: “Öz razılığı olmadan kimsənin şəxsi həyatı haqqında məlumatın toplanılmasına, saxlanılmasına, istifadəsinə və yayılmasına yol verilmir. Qanunla müəyyən edilmiş hallar istisna olmaqla, heç kəs onun xəbəri olmadan və ya etirazına baxmadan izlənilə bilməz, video və foto çəkilişinə, səs yazısına və digər bu cür hərəkətlərə məruz qoyula bilməz”.
Azərbaycan Respublikası İnzibati Xətalar Məcəlləsinin 376-cı maddəsi də eyni məsələni tövsif edir. Həmin maddədə inzibati xəta haqqında iş üzrə icraat zamanı aparılmış foto və ya video çəkiliş, yaxud səsyazma materiallarının qanunsuz yayımlanmasına aydınlıq gətirilərək deyilir: “İnzibati xəta haqqında iş üzrə icraat zamanı foto və ya video çəkiliş, yaxud səsyazma aparılıbsa, barəsində inzibati icraat aparılan şəxsin və zərər çəkmiş şəxsin razılığı olmadan həmin foto və ya video çəkiliş, yaxud səsyazma materiallarının kütləvi informasiya vasitələrində yayımlanmasına görə vəzifəli şəxslər min manatdan min beş yüz manatadək məbləğdə cərimə edilir”.
Maraqlıdır, görəsən, “BakuBus” MMC və M.Piriyev həmin videonu paylaşmaq üçün görüntülərdə tənqid obyekti olan gəncdən və marşrut sürücüsündən icazə alıblarmı?
Qeyd edək ki, M.Piriyevin paylaşımında sosial şəbəkə istifadəçiləri “BakuBus” MMC-ni tənqid ediblər. Həmin gəncin görüntülərinin icazəsiz yayılmasından tutmuş, maddi durumunun ağır ola biləcəyi səbəbindən aqressiv olma ehtimalına qədər edilən qeydlər içərisində ən diqqətçəkəni Elyar İsmayıl adlı istifadəçinin rəyidir: “BakuBus”un qarşısında avtoxuliqanlıq edərək qayda pozuntusu edən, bir avtobus dolu sərnişinin həyatına təhlükə yaradan, qadın, uşaq, qocalara qorxulu anlar yaşadan “Porsche”sürücüsünin videosunu da paylaşın da. Qayda pozuntusu edən “Porsche” sahibi olanda gücünüz çatmır? Bir az obyektiv olun...” M.Piriyev isə cavabında bildirib: “Elyar bəy, biz həmin avtoxuliqanın tapılmasını sizdən çox arzu edirik. Ancaq bir həftədən çoxdur ki, həmin görüntü axtarılır, inşallah tapılan kimi, o da öz hüquqi qiymətini alacaq. Sadəcə, sizin verdiyiniz məlumatda avtobusun dövlət qeydiyyat nişanı olmadığından biz məcbur olub bütün kameraları yoxlayırıq...” Opponentin cavabı isə belədir: “Mansur Piriyev, 40 dəqiqə ərzində bir dayanacaqdan 2 nömrəli avtobusdan ən çoxu 3-4 avtobus keçə bilər. Səhərlər 20-25 dəqiqədən bir gəldiyini nəzərə alsaq 2-si keçə bilər. Burada elə böyük bir problem yoxdur ki, 10 gündən çoxdur bunu tapa bilmirsiniz. 2 nömrəli avtobusun sürücülərindən soruşun. Deyin, hansınızın qarşısında “Porsche” at oynadırdı? Çoxmu çətindir?” Təəssüf ki, “BakuBus” rəsmisi bu sualı cavabsız buraxıb.
AFN məsələni diqqətdə saxlayacaq. Eyni zamanda, “BakuBus” avtobuslarında təhlükəsizlik kameralarının qeydə aldığı görüntülərin vətəndaşın icazəsi olmadan yayımlanmasının nə qədər qanuni olub-olmaması məsələsini aidiyyatı dövlər qurumları və mütəxəssislərlə aydınlaşdırmağa çalışacağıq.
P.S. Yuxarıda istinad etdiyimiz qanunları nəzərə alaraq, “BakuBus” MMC və M.Piriyevin sosial şəbəkələrdə paylaşdığı videonu ictimailəşdirmirik.

"BakuBus" avtobusunun qarşısında "at oynadan" "Porsche" niyə gizlədilir?-

"BakuBus" avtobusunun qarşısında "at oynadan" "Porsche" niyə gizlədilir?-


HƏBİBƏ




AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
“Düşünülmüş peşə seçimi gələcək uğurunuzun zəminidir” mövzusunda tədbirlər keçiriləcək

“Düşünülmüş peşə seçimi gələcək uğurunuzun zəminidir” mövzusunda tədbirlər keçiriləcək

MTN çetesi “Koçak Gold”un 39 kiloqram qızılını necə yağmalayıb

MTN çetesi “Koçak Gold”un 39 kiloqram qızılını necə yağmalayıb

Kanadada marixuana qıtlığı:

Kanadada marixuana qıtlığı: vətəndaşlar qəzəbləndi

DTX-dan sosial şəbəkə istifadəçilərinə xəbərdarlıq

DTX-dan sosial şəbəkə istifadəçilərinə xəbərdarlıq

Sabaha olan hava proqnozu açıqlandı

Sabaha olan hava proqnozu açıqlandı

“Nar” Tərtərdə 4G şəbəkəsini qurdu

“Nar” Tərtərdə 4G şəbəkəsini qurdu

Ekspert:

Ekspert: “STAR-ın açılması Azərbaycan və Türkiyənin enerji siyasəti baxımından çox vacibdir"

Yol polisində oliqarxa çevrilmiş idarə rəisi Tariyel Məmmədov kimdir?

Yol polisində oliqarxa çevrilmiş idarə rəisi Tariyel Məmmədov kimdir?

Rəşad Mahmudov seçicilərlə görüşüb

Rəşad Mahmudov seçicilərlə görüşüb

20 noyabrda keçiriləcək hərraca 51 dövlət əmlakı çıxarılıb

20 noyabrda keçiriləcək hərraca 51 dövlət əmlakı çıxarılıb

“DOST” mərkəzləri əmək qanunvericiliyi sahəsində işəgötürən və işçilərə metodiki köməklik göstərəcək

“DOST” mərkəzləri əmək qanunvericiliyi sahəsində işəgötürən və işçilərə metodiki köməklik göstərəcək

“Enterpriseazerbaijan.com” portalında İnnovativ startaplar mövzusunda təlim keçiriləcək

“Enterpriseazerbaijan.com” portalında İnnovativ startaplar mövzusunda təlim keçiriləcək

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur