Azərbaycanda güclü külək başladı
Gecə saatlarından etibarən ölkə ərazisində güclü külək başlayıb.
Qaynarinfo xəbər verir ki, hazırda külək paytaxt Bakı ilə yanaşı şimal rayonlarında da müşahidə olunur.
Ekologiya və Təbii Sərvətlər Nazirliyinin Milli Hidrometeorologiya Departamenti bu gün güclü şimal-qərb küləyinin əsəcəyi haqda məlumat yaymışdı.
Həmçinin, Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, gecəyə doğru bəzi yerlərdə qısamüddətli yağış yağacağı ehtimalı var.
Rayonlarda isə arabir yağış yağacağı, bəzi yerlərdə leysan xarakterli intensiv olacağı gözlənilir. Ayrı-ayrı yerlərdə şimşək çaxacağı, dolu düşəcəyi ehtimalı var. Qərb küləyi ayrı-ayrı yerlərdə güclü olacaq.
