Rusiya Ukrayna ilə bağlı yeni strategiyasını açdı
Axar.az xəbər verir ki, bunu “Kommersant” qəzetinə müsahibəsində Rusiya prezidentinin Ukrayna üzrə xüsusi nümayəndəsi Boris Qrızlov söyləyib. Onun sözlərinə görə, bu konfliktin həlli ilə bağlı kifayət qədər variantlar mövcuddur:
“Mənim əsas məqsədim bunu bütün tərəflərə çatdırmaqdır. Situasiyanın dalana dirənməsində maraqlı olan qüvvələr var. Ən pisi də odur ki, onlar Minsk razılaşmasının öhdəliklərindən qaçmaq istəyirlər. Ona görə də indiki vəziyyəti çıxılmaz göstərmək həmin şəxslər üçün sərfəlidir. Minsk razılaşmasının alternativi yoxdur”.
Qeyd edək ki, bir müddət öncə Rusiya prezidentinin Ukrayna üzrə xüsusi nümayəndəsi Boris Qrızlov Kiyevə rəsmi səfər edib. Səfər zamanı o, Minsk danışıqlarında Ukraynanın mövqeyini rəsmən təmsil edən eks-prezident Leonid Kuçma ilə görüşüb. Ukrayna mətbuatı görüş zamanı Donbas və Luqanskın Ukraynaya qaytarılması məsələlərinin müzakirə olunduğunu bildirib.
