İstanbulu qana boyamağa hazırlaşan dəstə tutuldu
Qanlı hadisə referendum ərəfəsində olmalı idi
Türkiyədə terror hazırlığında olan İŞİD üzvləri yaxalanıb. İstiPress-in Türkiyə mətbuatına istinadla verdiyi məlumata görə, İŞİD-a qarşı əməliyyatı İstanbulda keçirilib.
Terror hazılığında olan beş nəfər saxlanılıb. Onlar aprelin 16-da keçiriləcək referendumdan öncə sensasiyalı aksiyalar planlaşdırıblarmış. Bu barədə Terrorla Mübarizə Şöbəsinə kəşfiyyat məlumatı daxil olub.
Əməliyyatlar eyni anda Beyoğlu, Bahçelievlər və Beykozda həyata keçirilib. Əməliyyatlar zamanı həmçinin İstanbulda terror təşkilatının adından fəaliyyət göstərən E.N. və Tacikistan əsilli F.A da yaxalanıb.
Xatırladaq ki, daha bir "canlı bomba" ötən gün tutulmuşdu. Suriyadan Türkiyə ərazisinə keçən şəxs Çeçenistandan olub. İŞİD-li terrorçunun üzərindən 2 əl bombası, terrorçu kəməri formasında 750 qramlıq C4 patlayıcısı ələ keçirilib.
D.G terror təşkilatının təlimatı ilə Raqqadan gəldiyini, Qaziantepə gedərək bombalı hücum hazırlığında olduğunu deyib.
