122 nəfərin ölümünə səbəb olan təyyarə niyə qəzaya uğrayıb? (FOTOLAR)
Myanmarda keçən ay okean üzərində qəzaya uğrayan hərbi təyyarə barədə rəsmi açıqlama verilib.
7 iyunda Andaman dənizinə düşən təyyarənin qəza səbəbi məlum olub. Mütəxəssislər hava proqnozları barədə sənədləri, qara qutu, səs yazıları və təyyarənin dənizdən çıxan hissələrini araşdırıb və qəzaya pis hava şəraitinin səbəb olduğu məlum olub. Pilot böyük bulud topasının içinə daxil olandan sonra idarəetməni itirib və qəza baş verib. Təyyarə qalıqlarında buz parçaları tapıldığı deyilir.
Qəza zamanı ölənlər arasında Avstraliya mülkü aviasiya mütəxxəsisləri də var.
Qeyd edək ki, 7 iyunda 13.06-da havalanan təyyarə 29 dəqiqə sonra radardan itmiş, günlərlə davam edən axtarışlar nəticəsində 122 nəfərdən 88-inin meyiti tapılmışdı.(Qaynarinfo)
