ABŞ-da koronavirusa yoluxmada rekord qeydə alındı
ABŞ-da son sutka ərzində 52 min insan koronavirusa yoluxub. Bu, gündəlik yoluxma üzrə rekorddur.
“Report” xəbər verir ki, bu məlumatları Cons Hopkins Universiteti verib.
Mövcud artım afroamerikalı Corc Floydun həbs edilməsi zamanı ölümündən sonra başlayan etirazlarla əlaqələndirilir.
Qeyd olunur ki, ABŞ-da ümumilikdə 2,7 milyon insan koronavirusa yoluxub, 130 mindən çox insan COVID-19-un qurbanı olub.
Ölkə virusun yayılmasına görə dünyada birinci yerdədir.
