Ronaldu karantin qaydalarını pozmaq istəyir


Koronavirusa yoluxan İtaliya "Yuventus"unun futbolçusu Kriştianu Ronaldu Turinə qayıtmaq istəyir.



"Report" xəbər verir ki, bu barədə italiyalı jurnalist Tankredi Palmyeri özünün "Twitter" səhifəsində məlumat paylaşıb.

Onun sözlərinə görə, karantin qaydalarını pozmağa çalışan portuqaliyalı hücumçu millinin düşərgəsini tərk edib "Qoca sinyora"ya qoşulmaq fikrindədir.

35 yaşlı forvard bu yolla karantin müddətini qısaltmaq istəyir. Çünki futbolçu İtaliyaya qayıtsa, vətənindəki kimi 14 deyil, 10 gün təcrid olunacaq.

Qeyd edək ki, Kriştianu Ronalduda infeksiya dünən aşkarlanıb. Təcrübəli oyunçu A Seriyasının növbəti turunun "Krotone" (17 oktyabr) və UEFA Çempionlar Liqasının qrup mərhələsində Ukraynanın "Dinamo" (Kiyev) komandaları ilə görüşlərində iştirak edə bilməyəcək.



AFN.az
Redaksiyamızla əlaqə: tel; 070 372 99 90, e-mail afn.news@mail.ru




menyu
menyu