Hizbullah Livanda İsrailə məxsus pilotsuz təyyarəni vurub
Hizbullah Livanın hava məkanını pozan İsrailə məxsus "Hermes-450" tipli pilotsuz uçuş aparatını vurduğunu açıqlayıb.
Livandakı Hizbullah Hərəkatının verdiyi açıqlamaya görə, 8 oktyabr 2023-cü ildən bəri İsrail ordusu ilə sərhəd bölgəsi arasında gedən qarşıdurmalarda ikinci dəfə "Hermes-450" tipli PUA vurulub.
Bəyanatda sözügedən PUA-nın Livan ərazisində vurulduğu bildirilsə də, əlavə təfərrüatlar verilməyib.
İsrail ordusundan verilən açıqlamada gecə saatlarında orduya məxsus PUA-nın vurulduğu təsdiq edilib.
Açıqlamaya görə, İsrail ordusuna aid döyüş təyyarələri Livanın şərqindəki Baalbek şəhəri yaxınlığındakı Hizbullah hədəflərinə hava zərbələri endirib.
