KXDR mətbuatı Kim Çen In haqqında məlumat yaydı
Koreya Xalq Demokratik Respublikasının (KXDR) Dövlət Şurasının sədri Kim Çen In sənədlərlə işləməyə davam edir.
“Report” TASS-a istinadən xəbər verir ki, bu barədə ölkənin “Nodon sinmun” qəzeti bildirib.
Qeyd edilir ki, o, Vonsan-Kalmanın şərq sahilində turizm zonasının inşaatçılarına minnətdarlıq məktubu göndərib.
"Hörmətli ali rəhbər, yoldaş Kim Çen In Vonsan-Kalmanın sahilboyu turizm rayonunun tikintisində aktiv iştirak edən işçilərə təşəkkür edib", - məqalədə qeyd edilir.
Bu halda şərhin müəllifləri Koreya Xalq Demokratik Respublikasının liderinin minnətdarlıq məktubunu inşaatçılara nə vaxt göndərməsinin tarixini dəqiqləşdirməyib. "Nodon sinmun" həmçinin Kim Çen Inın yeni şəkillərini də dərc etməyib.
Koreya Xalq Demokratik Respublikasının lideri daxili siyasətlər məsələləri üzrə Əmək Partiyasının Mərkəzi Komitəsinin Siyasi Bürosunun iclasını keçirdiyi 11 apreldən sonra ictimaiyyət qarşısına çıxmayıb.
