"Qarabağ" "Beşiktaş"la yoldaşıq görüşü keçirəcək
"Qarabağ" və Türkiyə çempionatının son qalibi "Beşiktaş" klubu ilə yoldaşlıq görüşü keçirəcək.
AzVision.az Türkiyə mətbuatına istinadən xəbər verir ki, "Beşiktaş"ın baş məşqçisi Şenol Günəşin Bakıya səfəri zamanı bu barədə razılıq əldə olunub.
Oyunun qışda keçirilməsi nəzərdə tutulub. Həmçinin "Qarabağ"ın rəsmiləri yaxın vaxtlarda İstanbula yollanaraq, "Beşiktaş"ın klub və komanda sistemi barədə məlumat alacaq.
Qeyd edək ki, Şenol Günəş noyabrın 22-də Çempionlar Liqasının qrup mərhələsinin V turu çərçivəsində keçirilən “Qarabağ” – “Çelsi” qarşılaşmasını stadiondan izləyib.
