"Qalatasaray"dan 22-ci çempionluq!
Türkiyə Superliqasında XXXIII tura yekun vurulmaq üzrədi. Matc.az saytının məlumatına görə, bu gün 4 qarşılaşma baş tutub.
Mərkəzi oyun "Türk Telekom Arena"da keçirilib. Eyni xalla liderliyi bölüşən "Qalatasaray"la "Başakşəhər" üz-üzə gəlib. Qonaqlar ilk hissədə önə keçmələrinə baxmayaraq, fasilədən sonra 2 qol vuran "Qalatasaray" əzmkar qələbə qazanıb.
Bununla sona 1 tur qalmış zirvəni ələ keçirən "cim-bom" şəxsi oyunlara görə, çempionluğunu rəsmiləşdirib. Bu, "sarı-qırmızılılar"ın ardıcıl ikinci, ümumilikdə isə 22-ci çempionluğu olub.
Türkiyə Superliqası
XXXIII tur
"Akhisar" - "Kayserispor" - 2:2
Reqattin, 37; Manu, 80 - Kravets, 61; Qyan, 90+2
"Bursaspor" - "Göztəpə" - 0:0
"Alanyaspor" - "Çaykur Rizəspor" - 1:1
Sisse, 12 - Muriqi, 64 (pen.)
"Qalatasaray" - "Başakşəhər" - 2:1
Fequli, 47; Onyekuru, 64 - Bajiç, 17