Baş seysmoloqun ailəsini "Azərlotereya" ilə nə birləşdirir?
![](/uploads/posts/2023-12/1702015982_qurbanyetirmisli.jpg)
Respublika Seysmoloji Xidmət Mərkəzinin baş direktoru Qurban Yetirmişlinin ailə biznesi ilə bağlı məlumat yayılıb.
AFN.az xəbər verir ki, bu haqda araşdırmaçı jurnalist Cavanşir Həsənli yazıb. O bildirib ki, baş seysmoloqun oğlu İlkin Yetirmişli "GÜLMIR GMBH" adlı şirkətini 2014-cü ildə Almaniyanın Şverin şəhərində 25 min avro nizamnamə kapitalı ilə təsis edib. "GÜLMİR" adı baş seysmoloqun həyat yoldaşının ad və soyadının qısaldılmış birləşməsidir - Gülnarə Mirzəyeva. Şirkət bir müddət Berlində də fəaliyyət göstərib, iki il əvvəl baş seysmoloqun oğlu onu bağlamalı olub.
Bundan əvvəl isə Qurban Yetirmişlinin oğlu hazırda “Azərlotereya” ASC-nin İdarə Heyətinin üzvü, "Caspian Ticket"in rəhbəri Cahangir Fərəcullayevlə birgə Riqada "Azeri Production, Sabiedrība ar ierobežotu atbildību" ("Azərbaycan məhsulları" Ltd) adlı şirkət təsis edib.
Cahangir Fərəcullayeva
2020-ci ildə baş seysmoloqun oğlu Gürcüstanda "GEO TRAVEL AZ" LTD-ni təsis edib. C.Həsənli qeyd edir ki, bu, turizm sektorunda Yetirmişlilər ailəsinin yeganə şirkəti deyil. Belə ki, Qurban Yetirmişlinin qızı Gülçinə Yetirmişli 2015-ci ilin avqustundan "GEO TRAVEL AND TOURS" MMC-nin təsisçisir. Şirkət Səbail rayonu Teymur Elçin küçəsi 11-də hüquqi qeydiyyatdadır. Həmin ünvanda Yetirmişlilərə məxsus "GEO TRAVEL" QSC də hüquqi qeydiyyata alınıb. Səhmdar Cəmiyyət 2009-cu ildə baş seysmoloqun həyat yoldaşı Mirzəyeva Gülnarə İmran qızının adına rəsmiləşdirilib. Onun adına rəsmiləşdirilmiş digər şirkət - "GEO EXPRESS" QSC isə 2014-cü ildə təsis olunub.