ABŞ Maliyyə Nazirliyi Moody's-in reytinq proqnozunu şərh edib
ABŞ maliyyə nazirinin müavini Uolli Adeyemo bildirib ki, Vaşinqton Moody's agentliyinin ABŞ üçün reytinq proqnozunun pisləşməsi ilə razı deyil.
Bu barədə CNBC telekanalı məlumat yayıb.
Agentliyin gəldiyi nəticəni şərh edən rəsmi deyib ki, Amerika iqtisadiyyatı güclü olaraq qalır.
Beynəlxalq reytinq agentliyi Moody's Investors Service ABŞ-ın reytinq proqnozunu sabitdən neqativə endirib və uzunmüddətli emitent reytinqini və yüksək təminatsız reytinqini Aaa səviyyəsində təsdiqləyib.
Qeyd edək ki, oktyabrın 4-də ABŞ-ın dövlət borcu bir gündə Rusiyanın bütün suveren borcunu üstələyib. Beləliklə, ABŞ-ın dövlət borcu 275 milyard dollar artaraq tarixi maksimumunu yeniləyərək 33,167 trilyon dollardan 33,442 trilyon dollara yüksəlib.
