İlham Əliyevlə Vladimir Putin arasında telefon danışığı olub
Azərbaycan tərəfinin təşəbbüsü ilə Rusiya və Azərbaycan prezidentləri - Vladimir Putin və İlham Əliyev arasında telefon danışığı baş tutub.
AFN xəbər verir ki, bu barədə Kremlin mətbuat xidməti məlumat yayıb.
"İkitərəfli gündəliyin aktual mövzuları müzakirə edilib. Bütün sahələrdə Rusiya-Azərbaycan tərəfdaşlığını daha da gücləndirmək üçün qarşılıqlı münasibət təsdiqlənib. İlham Əliyev Vladimir Putini koronavirus infeksiyasına qarşı Rusiya peyvəndinin qeydiyyatı münasibətilə təbrik edib.
Bundan əlavə, 2020-ci ilin iyul ayında Azərbaycan-Ermənistan dövlət sərhədində vəziyyətin gərginləşməsi kontekstində regional məsələlər ətrafında fikir mübadiləsi aparılıb.
Rusiya tərəfindən bildirilib ki, gərginliyin artmasına şərait yaradacaq istənilən fəaliyyət yolverilməzdir", -deyə Kremlin məlumatında qeyd olunur.
