Putinin hərəkətlərindən məyus olmuşam, amma onunla münasibəti kəsməmişəm - Tramp
ABŞ prezidenti Donald Tramp bildirib ki, o, Rusiya prezidenti Vladimir Putinlə “işini” dayandırmaq niyyətində olmasa da, Rusiyanın Ukrayna ətrafındakı vəziyyətdəki hərəkətlərindən məyus olub.
AFN.az xəbər verir ki, o bu barədə BBC-yə müsahibəsində danışıb. "Mən onun hərəkətlərindən məyus olmuşam, lakin onunla münasibətimi dayandırmamışam" - deyə ABŞ lideri qeyd edib.
Tramp əlavə edib ki, ABŞ Ukraynadakı münaqişəni dayandırmaq üçün çalışır. Amerika prezidenti həmçinin bildirib ki, ən azı dörd dəfə Rusiya ilə sövdələşməyə hazırlaşdığını düşünüb.
