NRYTN-in tənzimləmə siyasəti ədalətli deyil - Osman Gündüz

Xəbərin çap versiyası
Tarix: 2-08-2019, 15:38    |    Xəbər oxunub: 546 dəfə
NRYTN-in tənzimləmə siyasəti ədalətli deyil -


Nömrə resursları necə ayrılır, nə üçün "Azercell"in 3, "Bakcell"in isə 1 kodu olmalıdır?



"Azercell" dövlət şirkətinə yeni nömrə resursu, 010 kodu (prefiks) verilib. Bununla bağlı məlumatlar artıq bir ay öncədən mediada yayılıb. Yəni , yaxın müddətdə Azercell 010 xxx xx xx formada nömrələrin də satışını həyata keçirə biləcək.

Diqqət etsək, görərik ki, indiyədək mobil bazarda bu operatorun və "Nar"ın hər birisinin 2 nömrə resursu var. "Azercell" 050 və 051, "Nar" isə 070 və 077 kodları ilə mobil nömrələri istifadəyə verir. Ölkənin ilk mobil operatoru olan "Bakcell" isə uzun müddətdir ki yalnız bir koddan, 055 prefiksindən istifadə edir.

Bildiyim qədər 2-3 il vardı ki, "Bakcell" yeni nömrə resursu, 099 kodunun alınması üçün NRYTN-a rəsmi müraciət etmişdi. Və bu 3 il ərzində “vuruşurdu” ki bu resursu alsın. Amma yeni kod alan tərəf "Azercell" oldu. Xüsusilə də “bərkgedən” hesab oluna biləcək 010 kodunu əldə etdi. Belə olan halda sual yaranır ki, görəsən nə əcəb 2 nömrə resursu olana 3-cü də verilir, amma cəmi bir kodu olan ölkənin ilk mobil operatoruna 2-ci kod ayrılmır?
Hansı ki, bu yeni resursla "Bakcell" xeyli inkişaf edə bilərdi, yeni müştərilər qazana bilərdi. İnfrasturktura investisiya yatıra bilərdi. Və sonda mobil bazarda rəqabətli mühit daha da inkişaf edərdi. Düşünürəm ki qanunvericilikdə nömrə resursunun ayrılmasından imtina üçün ciddi əsaslar olmadığı halda, NRYTN açıq –aşkar diskriminasiya edir, ədalətsiz siyasət yürüdür, sərbəst və azad rəqabət prinsiplərini pozur.

Dövlət inhisarçılığı ilə özəl qurumun, "Bakcell" şirkətinin fəaliyyəti məhdudlaşdırılır. "Antiinhisar fəaliyyəti haqqında", "Telekommunikasiya haqqında" qanunların və Nömrə resurslarından istifadə Qaydlarının tələblərinə əməl edilmir. Həm tənzimləyici, həm də kommersiya səlahiyyətləri olan NRYTN bu addımla "Azercell"in bazarda süni surətdə üstün mövqeyini qorumağa çalışır. Düşünürəm ki, bu, çox kobud qanun pozuntusudur.

Bəs bu prosesi tənzimləməli olan, təbbi inhisar subyektlərini yerində “oturtmalı” olan Antiinhisar Siyasəti Dövlət Xidməti bu məsələyə nə deyir ?
Antiinhisar qurumla bağlı əldə etdiyim məlumata görə artıq "Bakcell" bir il olar ki bu quruma NRYTN-in qanunsuz hərəkətlərindən-antiinhisar qanunvericiliyin tələblərinin pozulmasından dolayı rəsmi müraciət edibmiş. Və hətta artıq bir-iki ay öncə bununla bağlı Antiinhisar qurum tərəfindən qərarın da çıxarıldığını öyrəndim.

Qəribədir ki, bizim bəyənmədiyimiz, elə mənim də son zamanlar ciddi tənqid etdiyim Antiinhisar Dövlət Xidməti ötən ay antiinhisar qanunvericiliyin tələblərinin pozulduğunu əsas tutaraq Bakcell-ə nömrə resursunun – 099 kodunun ayrılması haqqında, təbii inhisar subyekti olan NRYTN üçün məcburi olan qərar qəbul edib. Bu Qərarın artıq NRYTN tərəfindən icra edildiyi və "Bakcell"ə 099 kodunun verildiyi bildirilir. Şəxsən mən gözləmirdim ki, Antiinhisar Xidməti belə qərar qəbul edə bilər. Lakin qəribədir ki, NRYTN və "Bakcell" hələlik bu haqda açıqlama yaymayıb. Lakin "Azercell"dən 010 ilə bağlı informasiya artıq sızıb. Görünür ki, "Bakcell" NRYTN ilə müqavilə şərtlərini indiyədək də razılaşdıra bilməyib.

Düşünürəm ki, NRYTN tez bir zamanda Antiinhisar Dövlət Xidmətinin qərarına uyğun olaraq "Bakcell" üçün 2-ci kod ayırmalı və nömrə resurslarından istifadəyə şərait yaratmalıdır. Məhz bundan sonra hər üç mobil operator üçün əlavə nömrə resurslarının ayrılmasına diqqət yetirilməsi daha doğru və ədalətli olardı.





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Binəqədidə “Amay Abdulla”ya qarşı aksiya keçirildi -

Binəqədidə “Amay Abdulla”ya qarşı aksiya keçirildi - VİDEO

Leyla Ramazanlı və Zaur Əmiraslanovdan yeni duet -

Leyla Ramazanlı və Zaur Əmiraslanovdan yeni duet - VİDEO+FOTOLAR

Lerikin məşhur istirahət mərkəzində otaqdan ilan çıxdı -

Lerikin məşhur istirahət mərkəzində otaqdan ilan çıxdı - FOTO

Göyçayda toy karvanında qəza:

Göyçayda toy karvanında qəza: 6 yaralı var

Vilayət Eyvazovdan yeni təyinatlar

Vilayət Eyvazovdan yeni təyinatlar

Jurnalist təyyarə qəzasında öldü

Jurnalist təyyarə qəzasında öldü

Etibar Pirverdiyevin şirkəti dar ayaqda -

Etibar Pirverdiyevin şirkəti dar ayaqda - "Bağda ərik qurtardı..."

Bakı polisindən xəbərdarlıq:

Bakı polisindən xəbərdarlıq: "Uşaq oğurluğu edən dilənçilər var"

Xəzərdə itkin düşən pilotumuzun görüntüləri yayıldı -

Xəzərdə itkin düşən pilotumuzun görüntüləri yayıldı - VİDEO

"ASAN Yay Festivalı" Gəncədə

Sentyabrın 1-dən kimlərin maaşı və pensiyası nə qədər artacaq? -

Sentyabrın 1-dən kimlərin maaşı və pensiyası nə qədər artacaq? - VİDEO

Vəkil sirrləri açdı:

Vəkil sirrləri açdı: MTN sabiq naziri necə tutub?

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur