Güclü külək Xaçmazda bir sıra fəsadlar törədib - VİDEO
Güclü külək Xaçmaz rayonu ərazisində bir sıra fəsadlar törədib.
APA-nın şimal bürosunun verdiyi məluata görə, güclü külək Xaçmaz şəhəri, Nəriman Nərimanov küçəsində yerləşən 70 nömrəli beşmərtəbəli yaşayış binasının damını uçurub. Rayonun bir neçə yerində ağacları kökündən çıxaran külək elektrik enerjisinin verilişində də problemlər yaradıb.
Xaçmaz Fövqəladə Hallar Komissiyasından verilən məlumata görə, fərdi yaşayış evlərinə də ziyandəyib.
