İƏT baş katibi Vətən müharibəsi haqda: "Bütün müsəlman dünyasının qələbəsidir"
Torpaqların işğaldan azad edilməsi təkcə Azərbaycanın deyil, bütün müsəlman dünyasının qələbəsidir.
Bunu İslam Əməkdaşlıq Təşkilatının Baş katibi Yusif Bin Əhməd Əl-Osaymin Azərbaycanın Xarici İşlər naziri Ceyhun Bayramovla birgə keçirilən mətbuat konfransında deyib.
O bildirib ki, indi Qarabağda bərpa işləri aktualdır.
"Bizim səfərimizin məqsədi işğaldan azad edilmiş ərazilərdə rekonstruksiya işlərinin necə aparılmasını müzakirə etməkdir”, - deyə o, əlavə edib.
Baş katib qeyd edib ki, Ermənistan işğal müddətində Qarabağda dini abidələri, o cümlədən məscidləri dağıdıb.
"Biz irsin qorunması üçün əlavə addımların atılmasını zəruri hesab edirik”.
