Uşaqlar arasında daha çox yayılıb, gözlərə qalıcı zərər vurur - həkimdən yeni virusla bağlı SOS!
Son zamanlar geniş yayılan adenovirus epidemiyasına bağlı konyunktivit hadisələrinin xeyli artdığını və uşaqlarda yayılma sürətinin daha çox olduğunu vurğulayan oftalmologiya üzrə mütəxəssis Şükran Evren Kaplan xəbərdarlıq edib.
AFN.az Türkiyə mediasına istinadən xəbər verir ki, mütəxəssis gözlərdə qızartı yarandığını, bunun həftələrlə davam edə və qalıcı görmə pozğunluqlarına səbəb ola biləcəyini bildirib.
Adətən soyuqdəyməyə bənzər əlamətlərlə özünü göstərən adenovirus infeksiyası barədə danışan oftalmoloq Şükran Evren Kaplan bildirib ki, dünyada hər il təxminən 20-30 milyon insana adenovirusla əlaqəli konyunktivit diaqnozu qoyulduğu təxmin edilir. Xalq arasında qırmızı göz xəstəliyi olaraq da bilinən göz iltihabı şəklində özünü göstərən konyunktivit gözə ciddi ziyan vura bilər.
Son zamanlar geniş yayılan adenovirus epidemiyasına bağlı konyunktivit hallarının əhəmiyyətli dərəcədə artdığını və uşaqlarda yayılma sürətinin daha yüksək olduğunu vurğulayan Şükran Evren Kaplan qeyd edib: “Adenovirusların yaratdığı göz infeksiyaları çox yoluxucudur. İnhalyasiya və təmas yolu ilə ötürülür. Gigiyena qaydalarına əməl olunmayan mühitlərdə, ictimai nəqliyyatda, məktəblərdə, uşaq bağçalarında, xəstəxanalarda və qocalar evlərində yoluxma sürəti yüksəkdir. Xüsusilə uşaq bağçaları və gənc yaş qruplarında yayılma sürəti daha yüksəkdir. Fiziki-kimyəvi amillərə qarşı davamlı olduqları üçün uzun müddət yoluxucu xüsusiyyətlərini saxlayır və yayılma riski daşıyırlar. Adenoviruslar otaq temperaturunda həftələrlə öz həyat qabiliyyətini saxlaya bilir”.
İnfeksiyanın yayılmasının qarşısını alan faktorlara toxunan oftalmoloq bildirib ki, qorunma istiqamətində ən mühüm amil gigiyenik tədbirlərin görülməsidir: "İnfeksiyaya yoluxmuş şəxsin yerləşdiyi otaq tez-tez havalandırılmalı, əllər tez-tez yuyulmalı, yoluxmuş səthlər dezinfeksiya edilməli, xüsusən də üzlə təmasda olan dəsmallar şəxsən istifadə olunmalı, hətta mümkünsə birdəfəlik istifadə olunmalı, mətbəx qabları məsələn fincanlar birlikdə istifadə edilməməlidir.
Xəstələr şiddətli qızartı, qaşınma, ağrı, yaşlanma, gözdə burulma, işığa həssaslıq, kirpiklərin iltihabı, göz qapaqlarının şişməsi kimi şikayətlərlə müraciət edə bilərlər. Ancaq ən çox yayılmış və tanınmış simptom göz ağlarının qızartısıdır. Adətən iltihab səbəbiylə görülən bu qızartı, göz damarlarının şişməsi və daha sonra meydana gələn ödem səbəbiylə yaşanır. Gözün qalıcı zədələnməsinin qarşısını almaq üçün həkim müdaxiləsi böyük əhəmiyyət kəsb edir".
Adenoviral konyunktivitin müalicəsinin gözdə infeksiyaya səbəb olan faktora görə təyin olunduğunu söyləyən Şükran Evren Kaplan erkən diaqnozun əhəmiyyətini açıqlayıb: “Viral konyunktivit, bakterial konyunktivit və allergik konyunktivit xəstəliyin əsas növləridir. Müalicə təyin edilərkən bu tiplərə baxılaraq müalicə təyin edilir. Viral konyunktivit üçün xüsusi bir müalicə yoxdur. Adətən yüngül şikayətlərlə keçir. Xəstələrə pomad, göz damcıları və soyuq kompreslər tövsiyə olunur. Bakterial konyunktivit zamanı infeksiyanın keçməsi üçün antibiotik tərkibli damcı və pomadlardan istifadə edilir. Damcı və məlhəmdən bir həftə müntəzəm istifadə edilərsə, xəstələr iki həftədən az müddətdə sağalır və xəstəliyin yoluxuculuğu azalır. Allergik konjonktivitin müalicəsində ilk növbədə xəstəliyin səbəbi müəyyən edilir. Daha sonra simptomları yüngülləşdirmək və aradan qaldırmaq üçün göz damcıları və anti-allergik dərmanlar istifadə olunur. Konyunktivit müalicə olunduqda gözə zərər vermədən sağalsa da, müalicə gecikərsə, gözə ciddi ziyan vura bilər".
