ABŞ Yəməndə husilərə məxsus 4 pilotsuz təyyarəni vurub
ABŞ Yəməndə İranın dəstəklədiyi husilərə məxsus 4 pilotsuz uçuş aparatına (PUA) qarşı “müdafiə hücumu” həyata keçirdiyini açıqlayıb.
ABŞ Mərkəzi Komandanlığı (CENTCOM) X sosial media platformasında məsələ ilə bağlı açıqlama verib.
Açıqlamada ABŞ-ın dünən yerli vaxtla 04.22-23.10 arasında Yəməndə husilərə məxsus 4 İHA-ya qarşı "müdafiə hücumu" həyata keçirdiyi qeyd edilib.
Bu arada Yəməndə husilərin nəzarətində olan bölgələrdən Qırmızı dənizə doğru 4 ədəd gəmi əleyhinə ballistik raketin atıldığı açıqlanıb və ABŞ gəmilərinə heç bir ziyan dəymədiyi bildirilib.
Açıqlamada Yəməndə husilərə aid 3 yeraltı anbara “müdafiə hücumu” həyata keçirdiyi deyilir.
