Yaponiyada 6,1 bal gücündə zəlzələ baş verib
Yaponiyanın sahillərində zəlzələ qeydə alınıb.
AFN.az xəbər verir ki, baş vermiş hadisə barədə ABŞ Geoloji Xidmətinin mütəxəssisləri məlumat yayıb.
Yeraltı təkanlar arxipelaqın cənub-qərbindəki Kume və Miyako adaları yaxınlığında hiss olunub.
Seysmoloqların məlumatına görə, zəlzələnin maqnitudası 6,1 təşkil edib.
Zəlzələnin episentri keçmiş Hirara şəhərindən 136 kilometr şimal-şimal-şərqdə, ocağı isə 10 kilometr dərinlikdə yerləşib.
Zərərçəkənlər və dağıntılar barədə məlumat daxil olmayıb.
Bununla belə, Miyako adasında Yaponiya silahlı qüvvələrinin bazası yerləşir.
İyunun 25-də isə Yaponiyanın şimal-şərqində 7,2 maqnitudalı zəlzələ baş vermişdi. Onun episentri də okeanda, İvate prefekturasının Kudzi şəhərindən 30 kilometr şərqdə qeydə alınmışdı.
