Braziliyadan "Meta"ya qadağa
Braziliya ABŞ-da yerləşən "Meta" şirkətinə süni intellekt sistemlərini inkişaf etdirmək üçün Braziliya vətəndaşlarının "Instagram" və "Facebook" yazılarından istifadə etməyi qadağan edib.
BBC-nin məlumatına görə, Braziliyanın Milli Məlumatların Mühafizəsi Agentliyi (ANPD) "Meta"nın süni intellektə əsaslanan söhbət botlarının inkişafı üçün istifadəçilərin yazılarından istifadə etməyi dayandırıb.
ANPD istifadəçilərin əsas hüquqlarının zədələnəcəyi və ya zərərin təmirinin çətinləşəcəyi riski ilə bağlı tədbir gördüyünü açıqlayıb.
Bu çərçivədə ölkədə 102 milyon "Facebook" və 113 milyon "Instagram" istifadəçisi olan "Meta"nın süni intellekt sistemlərini inkişaf etdirmək üçün Braziliya vətəndaşlarının "Instagram" və "Facebook" yazılarından istifadə etməsi qadağan edilib.
Qərar "Meta"nın Böyük Britaniya və Avropa Birliyindəki istifadəçilərin yazılarından eyni məqsədlə istifadə etməyi dayandırdıqdan sonra verilib.
ANPD qərardan sonra "Meta"ya məxfilik siyasətini dəyişdiyini göstərmək üçün 5 iş günü ərzində vaxt verib və "Meta"nın bu qərara əməl etmədiyi təqdirdə gündə 50 min Braziliya realı, təxminən 9 min dollar cərimə ediləcəyini açıqlayıb.
Digər tərəfdən "Meta"nın sözçüsü qərardan məyus olduğunu qeyd edərək, bu addımın Braziliyadakı insanlara süni intellektin faydalarını təqdim etməyi gecikdirəcəyini ifadə edib.
