Aİ "Meta"dan tədqiqatçıların məlumatlara çıxışı haqqında məlumat tələb edib
Avropa İttifaqı (Aİ) “Facebook” və “Instagram”ın sahibi "Meta"dan tədqiqatçılara öz platformalarında məlumatların əldə edilməsini təmin etmək öhdəliyinə əməl olunması barədə məlumat tələb edib.
Aİ Komissiyası ABŞ-da yerləşən "Meta"dan Rəqəmsal Xidmətlər Aktı (DSA) çərçivəsində öhdəlikləri yerinə yetirmək üçün görülən tədbirlər haqqında rəsmi məlumat tələb etdiyini açıqlayıb.
Açıqlamada bildirilib ki, "CrowdTangle" avqustun 14-də istifadədən çıxarıldıqdan sonra Komissiya "Meta"dan araşdırmaçıların "Facebook" və "nstagram"ın ictimai məlumatlara çıxışı təmin etmək öhdəliyinə əməl etmək üçün gördüyü tədbirlər haqqında daha çox məlumat istəyib.
"Meta"dan seçki və vətəndaş diskursunun müşahidə funksiyalarını yeniləmək planları haqqında da məlumat tələb olunub və şirkət Aİ Komissiyasına məzmun kitabxanası və tətbiq proqramlaşdırma interfeysi haqqında məlumat verməlidir.
Açıqlamada AB-nin platformalarında yanlış istiqamətləndirici reklam və dezinformasiya ilə mübarizə kimi sahələrdə AB qaydalarına əməl edilməməsi səbəbilə aprelin 30-da "Meta" ilə bağlı araşdırma başlatdığı və bu prosesin davam etdiyi xatırladılıb.
"Meta"nın sentyabrın 6-dək tələb olunan məlumatları təqdim etməli olduğu və Komissiyanın veriləcək cavabları qiymətləndirdikdən sonra müvəqqəti tədbirlər də daxil olmaqla addımlar ata biləcəyi bildirilib.
Əgər şirkət bu sorğuya səhv, natamam və ya yanıltıcı cavab verərsə, cərimələnə bilər.
