Gorusdan Xankəndiyə 20-dən artıq təcili tibbi yardım avtomobili maneəsiz keçid edib
Bu gün Gorusdan Xankəndi istiqamətinə Beynəlxalq Qızıl Xaç Komitəsinin müşayiəti ilə təcili tibbi yardım avtomobilləri maneəsiz keçid edib.
"Report"un Laçına ezam olunan əməkdaşının xəbərinə görə, ümumilikdə 20-dan artıq ambulans Xankəndi istiqamətinə hərəkət edib.
Ehtimal edilir ki, təcili tibbi yardım avtomobilləri Xankəndi şəhərinin yaxınlığında yanacaqdoldurma məntəqəsində baş vermiş partlayış zamanı xəsarət alan şəxslərə yardım üçün gedir.
