KİV: Ermənistanda konstitusiyaya dəyişiklik ediləcək


Ermənistanın hakim “Mənim addımım” parlament fraksiyası konstitusiyada dəyişiklik layihəsini müzakirə edir.

“Report” “Haykakan jamanak”a istinadən xəbər verir ki, dəyişiklik qəbul edilərsə, Ermənistan parlamentinin özünüburaxmaq hüququ olacaq.

Layihəyə əsasən, Ermənistan Konstitusiyasının 92-ci maddəsinə dəyişiklik nəzərdə tutulub. Dəyişiklikdə bildirilib ki, deputatların 3/5-nün qərarı ilə parlament buraxıla və növbədənkənar seçkilər keçirilə bilər. Parlament buraxıldıqdan sonra seçkilərin keçirilməsi müddətində dəyişiklik edilməsi təklif olunur - 40 gündən tez, 55 gündən gec olmayaraq.

Ekspertlərin fikrincə, hakim fraksiya dəyişikliyi parlamentdə təsdiq etdirəcəyi ehtimalı böyükdür. Odur ki Ermənistanda yaxın 3-4 ayda növbədənkənar parlament seçkilərinin keçiriləcəyi gözlənilir.



AFN.az
Redaksiyamızla əlaqə: tel; 070 372 99 90, e-mail afn.news@mail.ru




menyu
menyu