İsrail hərbçiləri Qəzzada 1 kilometr uzunluğunda tuneli məhv edib
İsrail hərbçiləri Qəzza sektorunun cənubunda, Xan-Yunis şəhəri yaxınlığında, təxminən 1 km uzunluğunda olan bir tuneli məhv ediblər.
AFN.az xəbər xarici mediaya istinadən verir ki, bu barədə İsrail ordusunun mətbuat xidməti məlumat yayıb.
"188-ci zirehli briqada, Qəzza sektorunun Xan-Yunis ərazisində fəaliyyət göstərir. Hərbçilər İsrail Hava Qüvvələri ilə birgə silahlı radikal qrupunu məhv ediblər. Bu qrup onlara yaxınlaşaraq təhlükə törədib. Bundan əlavə, hərbçilər Xan-Yunis ərazisində təxminən 1 km uzunluğunda olan tuneli taparaq məhv ediblər", - deyə açıqlamada bildirilir.
"İsrail Dövlətinin mülki vətəndaşlarını qorumaq məqsədilə Qəzza sektorunda terror təşkilatlarına qarşı döyüş əməliyyatlarını davam etdirir", - deyə açıqlamada qeyd olunub.
