Almaniyada dəniz bazasında icazəsiz fotolar çəkən çinli casusluq şübhəsi ilə həbs edilib
Almaniyanın Kiel şəhərində bir çinlinin dəniz bazasında icazəsiz fotoşəkil çəkdirdiyi üçün casusluqda şübhəli bilinərək həbs edildiyi açıqlanıb.
WDR-in xəbərinə görə, Çin vətəndaşının dekabrın 9-da Kiel-Vik dəniz bazasında hərbi mülkiyyətdə icazəsiz fotoşəkil çəkdiyi müəyyən edilib.
Mühafizəçilər tərəfindən polisə təhvil verilən bu şəxsin mobil telefonu və digər əşyalarına Şlezviq-Holşteyn üzrə Dövlət Kriminal Polis İdarəsi tərəfindən baxış keçirildiyi bildirilib.
Həmin şəxs casusluqda şübhəli bilinərək həbs edilib.
Qeyd edilib ki, müstəntiqlər şübhəlinin xarici məxfi xidmətdə çalışıb-işləmədiyini və fotoları casusluq məqsədilə çəkib-çəkmədiyini araşdırır.
Qeyd edək ki, alman hərbi kəşfiyyat xidmətlərinin hesabatlarında son vaxtlar Almaniya Silahlı Qüvvələrinə (Bundesver) qarşı casusluq fəaliyyətlərinin artdığı bildirilir.
