Əli Əsədov Ermənistanı sərhədlərin müəyyənləşdirilməsi prosesinə başlamağa çağırıb
"Nəqliyyat marşrutlarının açılması təkcə region miqyasında deyil, Müstəqil Dövlətlər Birliyinə üzv olan bütün dövlətlər arasında ticarət-iqtisadi əlaqələrin inkişafına böyük təkan verəcək".
Bunu Azərbaycanın Baş naziri Əli Əsədov MDB Hökumət Başçıları Şurasının videokonfrans formatında keçirilən iclasında çıxışı zamanı deyib.
O, həmçinin hər iki ölkənin ərazi bütövlüyü və beynəlxalq səviyyədə tanınmış sərhədləri çərçivəsində Azərbaycan və Ermənistan arasında sərhədin delimitasiyası və demarkasiyası prosesinə tez bir zamanda başlanmasının vacibliyini vurğulayıb.
