Mərkəzi Bank əhalinin banklardakı əmanətlərinin ümumi həcmini açıqladı
2022-ci ilin yanvar-mart aylarında Azərbaycan əhalisinin banklardakı əmanətlərinin ümumi həcmi ötən ilin eyni dövrü ilə müqayisədə 27,3 faiz artaraq 10,372 milyard manat təşkil edib.
Bu barədə Mərkəzi Bankın hesabatında məlumat verilib.
Ölkə üzrə bank əmanətlərinin 90,35%-i (9,371 milyard manat) Bakı şəhərinin, təxminən 10%-i (990,9 milyon) regionların payına düşüb.
Martın 31-nə olan vəziyyətə görə, əmanətin orta illik dərəcəsi 3,15%, Bakı şəhərində 2,97% təşkil edib.
