Rusiyanın daha bir telekanalından Azərbaycana qarşı təxribat - VİDEO
Rusiyanın kütləvi informasiya vasitələrində Azərbaycana qarşı təxribatlar davam edir.
AFN xəbər verir ki, ölkənin "birinci kanal"ının ardınca indi də “Rossiya 24” məkrli mövqe ilə çıxış edib.
Belə ki, kanalda erməni əsilli rus ekspert Semyon Baqdasarov və jurnalist Hayk Xalatyanın iştirakı ilə keçən müzakirədə Qarabağın Azərbaycanın tərkibində qala bilməyinin mümkünsüzlüyü qeyd olunub.
Həmçinin, 4 dəqiqəlik süjetdə Vaşinqton tərəfindən təklif olunan sənədin həll yolu olmadığı, burada Ermənistan üçün heç bir güzəştin qeyd edilmədiyi bildirilib.
