Sezen Aksu Hatayda şəhid ailəsini ziyarət edib - FOTOLAR
Sənətçi Sezen Aksu Kahramanmaraşda baş verən zəlzələlərin böyük dağıntılara səbəb olduğu Hatay şəhərinə gedib.
AFN.az Türkiyə mediasına istinadən xəbər verir ki, müğənni Gezi Parkı hadisələri zamanı şəhid olan Əli İsmail Qorxmazın ailəsini də ziyarət edib.
Sezen Aksu, Hassa mahalının Aktəpə məhəlləsində yardım qrupları ilə görüşüb, çadır şəhərcikləri gəzərək zəlzələ qurbanlarına mənəvi dəstək verib.
Əli İsmayıl Qorxmazın qardaşı Gürkan Qorxmaz sosial media hesabından Aksunun ziyarətini açıqlayıb. “Minik Sərçədə böyük ürək! Bu gün mahnıları ilə böyüdüyümüz, sevgini tanıdığımız Sezen Aksu ilə tanış olmaq fürsətimiz oldu. 10 gündür Antakyadadır, bu gün bizə qonaq gəlib. Onun səmimiyyətini gördük, təvazökarlığının şahidi olduq. O bizim "Sezen bacı" oldu. Birlikdə güldük, ağladıq...”
