6 və 3 yaşlı qardaşlar maşın qaçırdılar: səbəbi həm gülməlidir, həm ağlamalı - VİDEO
Malayziyada 6 və 3 yaşlı iki qardaş qaçırdıqları avtomobillə işıq dirəyinə çırpılıb. Qəza nəticəsində uşaqlardan birinin yüngül xəsarət aldığı bildirilir.
Hadisə Malayziyanın Lanqkavi adasında hadisə baş verib. Ötən gecə 6 və 3 yaşlı iki qardaş oyuncaq maşın almaq üçün atalarının avtomobilini qaçırıblar. Ətrafdakı sürücülər avtomobilin nəzarətsiz istifadə edilməsi barədə polisə məlumat veriblər. Polisin ardınca gəldiyi avtomobil idarəetməni itirərək işıq dirəyinə çırpılıb.
Langkavi polis rəisi Şariman Aşari deyib ki, uşaqlar analarının vanna otağında olmasından və atalarının yatmasından istifadə edərək, evdən gizlicə çıxıb maşına miniblər. Qəzadan əvvəl iki qardaşın təxminən 2 kilometr yarım yol getdiyini bildirən Aşari nəqliyyat vasitəsini böyük qardaşın idarə etdiyini deyib. Aşari, qəzada avtomobili idarə edən uşağın yüngül xəsarət aldığını, qardaşının isə sağ-salamat xilas olduğunu açıqlayıb.
Qardaşlar bildiriblər ki, avtomobili qaçırmaqlarına səbəb özlərinə oyuncaq maşın almaq istəyi olub.
Polis zədələnmiş avtomobili ələ keçirdikdən sonra hadisə ilə bağlı araşdırma başladılıb.
