Çində uzun ayaqlı quşa bənzər dinozavr fosili tapıldı
Çinin Fucien əyalətində kiçik, uzunayaqlı, quşa bənzər dinozavrın fosili tapılıb.
CNN xəbər verir ki, qəribə Fucien ovçusu mənasını verən "Fujianvenator prodigiosus" adlı dinozavrın Son Yura dövründə (148-150 milyon il əvvəl) indiki Çinin Fucien əyalətində yaşadığı bildirilib.
Sözügedən dinozavrın əksər dinozavrlarda görüləndən fərqli olaraq budlarından iki dəfə uzun olan aşağı ayaqları olduğu vurğulanıb.
Təbiət jurnalında dərc olunan tədqiqatın aparıcı müəllifi Pekindəki Onurğalılar Paleontologiyası və Paleoantropologiya İnstitutundan Prof. Dr. Min Vanq təxminən 640 qram ağırlığında qırqovul böyüklüyündə bir dinozavrın tapılmasının əhəmiyyətli olduğunu və tapıntının quşların mənşəyi ilə bağlı fosil qeydlərindəki boşluğu doldurduğunu açıqlayıb.
"Unikal skelet formasını nəzərə alaraq, Fujianvenator quşların ən erkən təkamül dövrü olan morfoloji təkamülə yeni işıq salır" - deyə professor bildirib.
Fosildə heç bir lələk tapılmamasına baxmayaraq, Fujianvenatorun da dinozavr nəsil ağacındakı ən yaxın qohumları kimi lələkli olduğunu ifadə edən Min, fosildən əldə edilən məlumatlara əsasən quşa bənzər dinozavrın tüklü olub-olmadığını müəyyən etmək mümkün olmadığını da əlavə edib.
Fosilin digər su və suda yaşayan heyvanların, o cümlədən tısbağaların və yüngül üzgəcli balıqların fosilləri ilə birlikdə tapıldığı bildirilib və bu, dinozavrın bataqlıqlarda vaxt keçirdiyinə işarə edir.
Tədqiqatçılar digər tanınmış erkən quşlara bənzər dinozavrların ağaclarda yaşadığını və təbiətcə uça bildiyini vurğulayıblar.
