Makron hökumətin İran-ABŞ münasibətlərinə dair iclasını çağırıb
Fransa prezidenti Emmanuel Makron İranla bağlı bir sıra məsələləri, o cümlədən İranın nüvə proqramı və Tehranla ABŞ arasında artan gərginliyi müzakirə etmək üçün əsas nazirləri və ekspertləri toplayıb.
AFN.az xəbər verir ki, bu barədə "Reuters" agentliyi mənbələrə istinadən məlumat yayıb.
Nazirlər Kabinetinin konkret məsələlərə həsr olunmuş belə iclası nadir hallarda baş verir. Bu cür toplantılar adətən Vaşinqtonun avropalı müttəfiqləri arasında ABŞ və İsrailin nüvə proqramı ilə bağlı tezliklə razılıq əldə olunmasa, İranın nüvə obyektlərinə hava zərbələri endirə biləcəyinə dair artan narahatlığı ifadə edir.
ABŞ müdafiə naziri Pit Heqset ABŞ-ın Yəmənin böyük hissəsinə nəzarət edən İranın dəstəklədiyi husilərə qarşı bombardman kampaniyası fonunda ABŞ-ın döyüş təyyarələrinin sayını artırmaqla Yaxın Şərqdəki hərbi potensialını gücləndirdiyini bildirib.
Yüksək səviyyəli Avropa rəsmisi deyib ki, avropalı strateqlər bu kampaniyanın ABŞ-ın yaxın aylarda İrana zərbə endirməsinin xəbərçisi olub-olmayacağı ilə maraqlanır.
