Şarl Mişel: Avropanın İranla əlaqələri ən aşağı səviyyədədir
Avropa Şurasının rəhbəri Şarl Mişel və İran prezidenti Məsud Pezeşkian BMT Baş Assambleyası çərçivəsində danışıqlar aparıb.
AFN.az xarici mediaya istinadən xəbər verir ki, Şarl Mişel Avropa İttifaqı ilə İran arasında münasibətlərin ən aşağı səviyyədə olduğunu deyib. Bu barədə Brüsseldə jurnalistlərə açıqlamasında Aİ-nin yüksək rütbəlilərindən biri bildirib.
"Sədr Mişel Nyu-Yorkda BMT Baş Assambleyasının həftəsi çərçivəsində İran prezidenti ilə görüşüb. O, Aİ ilə İran arasında münasibətləri ən aşağı həddə hesab etdiyini deyib. Görüş zamanı Şarl Mişel Aİ-nin bir sıra narahatlığını dilə gətirib və bu məsələnin vacibliyini bir daha təsdiqləyib”, - deyə diplomat bildirib.
Mənbənin sözlərinə görə, Şarl Mişelin İran lideri ilə müzakirə etdiyi əsas məsələlər Ukrayna və Yaxın Şərqdəki münaqişələr, nüvə proqramı və regional sabitliyə təhlükə, İranın regiondakı rolu və silahlı qruplara sabitliyi pozan dəstək olub: "İran prezidenti, digər məsələlərlə yanaşı, İranın Rusiyaya silah vermədiyini və konstruktiv qarşılıqlı fəaliyyətə hazır olduğunu bildirib; sabitliyi pozan amil İran deyil, İsraildir deyə o qeyd edib. İsrail beynəlxalq hüquqa hörmət etmir. Nüvə proqramı ilə bağlı məsələyə gəlincə isə Pezeşkian bildirib ki, nüvə proqramı ilə bağlı dialoqun uğursuzluğuna görə ABŞ məsuliyyət daşıyır”.
