Saməddin Əsədov: 2 mindən çox zərərli sayt bloklanıb
Azərbaycanda virtual mühitin təhlükəsizliyinin təmin edilməsi məqsədilə son yarım il ərzində 2 mindən çox zərərli internet resursunun fəaliyyətinin məhdudlaşdırılması istiqamətində kəsərli addımlar atılıb.
Bu barədə rəqəmsal inkişaf və nəqliyyat nazirinin müavini Saməddin Əsədov “4-cü Milli Kibertəhlükəsizlik Forumu”ndakı çıxışı zamanı geniş məlumat verib.
Nazir müavini ölkədə kiberhədələrin neytrallaşdırılması məqsədilə həyata keçirilən davamlı monitorinq və qoruma mexanizmlərinin mütəmadi olaraq daha da gücləndirildiyini diqqətə çatdırıb.
Xüsusilə Vətən müharibəsi dönəmində və ondan sonrakı illərdə respublikanın informasiya infrastrukturunu hədəf alan çoxsaylı kiberhücum dalğalarının və təxribat xarakterli cəhdlərin qarşısının vaxtında və uğurla alındığı qeyd olunub.
Saməddin Əsədov rəsmi strukturların elektron resurslarının mühafizəsi, virtual təhdidlərin hələ ilkin mərhələdə müəyyənləşdirilərək sıradan çıxarılması yönündə sistemli işlərin görüldüyünü bildirib.
Sonda o, kibertəhlükəsizliyin sadəcə texnoloji bir proses deyil, birbaşa milli təhlükəsizliyin ayrılmaz və strateji bir parçası olduğunu vurğulayaraq, bu sahəyə fasiləsiz investisiyaların yatırılmasının vacibliyini önə çəkib.
