Nazirlər Milli Məclisdə dövlət büdcəsini müzakirə edirlər
Azərbaycan Milli Məclisinin komitələri 2020-ci il dövlət büdcəsi ilə bağlı müzakirələrə başlayıb.
Müzakirələrdə İqtisadiyyat naziri Mikayıl Cabbarov, Maliyyə naziri Samir Şərifov, Ekologiya və Təbii Sərvətlər naziri Muxtar Babayev, Mərkəzi Bankın İdarə Heyətinin sədri Elman Rüstəmov, Əmək və Əhalinin Sosial Müdafiəsi naziri Saxil Babayev və digər rəsmi şəxslər də iştirak edir.
2020-ci ildə Azərbaycanın dövlət büdcəsinin gəlirləri 24 milyard 134.5 milyon manat, xərcləri 26 milyard 913.7 milyon manat həcmində proqnozlaşdırılır.
