"Şuşaya 4 km qalmışdı ki, yaralandım"

10:58 / 08.12.2020

Azərbaycanın 44 günlük Vətən müharibəsində öz döyüş şücaəti ilə seçilənlərdən biri də Ağakişiyev Kamran Cavanşir oğludur. Kamran 1998-ci ildə Abşeron rayonu Qobu qəsəbəsində anadan olub. 2013-cü ildə Qobu qəsəbəsində yerləşən Qəzənfər Xalıqov adına tam orta məktəbi bitirib və elə həmin il Dövlət Dəmiryolu Liseyinə daxil olur. 2016-cı ildə təhsilini bitirərək hərbi xidmətə yollanır. 2018-ci ildə hərbi xidməti başa vurduqdan sonra, yenidən Bakıya qayıdır.

İkinci Qarabağ müharibəsi zamanı sentyabrın 27-də çağırış gəlir və hərbi xidmətə yollanır. Qızğın döyüşlər zamanı oktyabrın 8-dən etibarən Füzuli, Cəbrayıl, Hadrut, Zəngilan və Xocəvənd uğrunda döyüşlərdə iştirak edib.

Oktyabrın 21- də Xocavəndin Ərgünəş dağında minaatan mərmisi partlayır və nəticədə ağır yaralanır. “Report”a həmsöhbət olan Kamran Ağakişiyev qeyd etdi ki, yaralanmasaydı Şuşaya 4 km-dən sonra çatacaqdı. Hal-hazırda Kamranın sol kürəyində açıq yara və bədəninin müəyyən hissələrində qəlpələr var. Müalicəsini ev şəraitində davam etdirir.

AFN.az
Redaksiyamızla əlaqə: tel; 070 372 99 90, E-mail:office@afn.az

Diqqətinizi çəkə biləcək digər xəbərlər

"Şuşaya 4 km qalmışdı ki, yaralandım"

Bu gün Vətən müharibəsi şəhidinin 23 yaşı tamam olur -

Şəhidimizin körpəsinə Şuşa adı veriləcək

Vətən Müharibəsi Qəhrəmanı adı verilən 26 yaşlı gənc kimdir?

Şəhid kəşfiyyatçının atasına vəsiyyəti -

Vətən müharibəsinin 19 yaşlı qəhrəmanı