Bakıda mağazadan oğurluq edən şəxs tutuldu
Bu barədə AFN-ə Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, Binəqədi Rayon Polis İdarəsinin 7-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində aprelin 6-da rayon ərazisindəki mağazaların birindən 360 manat pul, 2 250 manat dəyərində tütün məmulatı, ərzaq məhsulları və spirtli içkilər oğurlamaqda şübhəli bilinən Bakı şəhər sakini, əvvəllər məhkum olunmuş T.Mehrabov saxlanılıb.
