Ukrayna "SpaceX" vasitəsilə ilk sınaq rabitə peykini orbitə çıxarıb
Ukraynanın "Himera" şirkəti Danimarkanın "GomSpace" şirkəti ilə birgə "SpaceX"-in "Transporter-18" missiyası çərçivəsində ilk sınaq rabitə peykini orbitə çıxardığını açıqlayıb.
AFN.az xarici mediaya istinadən xəbər verir ki, şirkətin "Facebook" səhifəsində yayılan məlumata görə, "Obria Nano" adlı peyk 2026-cı il oktyabrın 1-də orbitə buraxılıb və artıq istismara verilib.
Layihənin məqsədi Ukraynanın rabitə kanallarını şaxələndirmək və ölkənin xarici infrastrukturlardan strateji asılılığını azaltmaqdır. Şirkət gələcəkdə peyklərin və yerüstü terminalların istehsalını Ukraynada lokallaşdırmağa ümid edir.
