İspaniyada sürətli qatarların toqquşması nəticəsində 64 nəfər ölüb
İspaniyada Madrid–Əndəlüs marşrutu ilə hərəkət edən iki sərnişin qatarının toqquşması nəticəsində azı 64 nəfər həyatını itirib.
AFN.az xəbər verir ki, İspaniyanın rəsmi EFE xəbər agentliyinin məlumatına görə, qəza yerli vaxtla səhər saat 08:54-də Toledo şəhəri yaxınlığındakı Los Yebenes ərazisində baş verib.
112 təcili yardım xidmətinin mənbələrinin məlumatına görə, toqquşmanın təsiri ilə iki vaqon yamacdan aşağı yuvarlanıb. Qəzaya Madrid şəhərindən Sevilyaya hərəkət edən Renfe şirkətinə məxsus sürətli qatarla əks istiqamətdə hərəkət edən Iryo şirkətinə aid sürətli qatarın toqquşmasının səbəb olduğu bildirilib.
Qəza nəticəsində həyatını itirənlərlə yanaşı, çox sayda insan yaralanıb. Hadisə hər iki qatarda olan ümumilikdə 544 sərnişinə təsir edib.
Yamacdan aşağı aşan iki vaqonun Iryo şirkətinə məxsus sürətli qatara aid olduğu müəyyən edilib.
Bu arada, Toledo ətrafındakı bütün xəstəxanalarda bu gün üçün planlaşdırılan əməliyyatların təxirə salındığı və qəza nəticəsində yaralananlara üstünlük veriləcəyi bildirilib.
İlkin ehtimallara görə, qəzanın əsas siqnalizasiya sistemindəki insan səhvi nəticəsində baş verdiyi iddia olunur.
Qəza səbəbindən Baş nazir Pedro Sançes, bir sıra nazirlər və müxalif siyasi partiyaların liderləri gün ərzində planlaşdırılan proqramlarını ləğv ediblər.
Hadisə ilə əlaqədar Madrid, Syudad-Real və Əndəlüs arasında qatarların hərəkəti müvəqqəti olaraq dayandırılıb.
Iryo şirkəti Madriddəki Atoça dəmir yolu vağzalından bütün reyslərini dayandırdığını açıqlayıb.
İspaniyada sonuncu böyük qatar qəzası 2026-cı il yanvarın 18-də ölkənin cənubundakı Kordova şəhərinin Adamus rayonunda baş verib. Həmin vaxt Iryo şirkətinə məxsus sürətli qatarın relsdən çıxması nəticəsində 46 nəfər həyatını itirib.
