Zoğal suyu diş ərpinin yaranmasına səbəb olan bakteriyaları azalda bilər
ABŞ-da aparılan araşdırma zoğal suyunun diş ərpinin yaranmasına səbəb olan bakteriyaların çoxalmasını zəiflədə biləcəyini ortaya qoyub.
AFN.az xəbər verir ki, ABŞ-ın İllinoys Universitetinin tədqiqatçıları zoğal suyunun ağız və diş sağlamlığına təsirlərini araşdırıblar.
Araşdırmada 8 yetkin və 14 uşaq iştirak edib. İştirakçılara müxtəlif günlərdə təmiz zoğal suyu, tərkibində 27 faiz zoğal suyu olan şirinləşdirilmiş içki və su verilib.
Təmiz zoğal suyu qəbul edən iştirakçılarda diş ərpindəki bakteriyaların artımının yetkinlərdə 44 faiz, uşaqlarda isə 33 faiz azaldığı müşahidə olunub.
Tədqiqatçılar zoğal suyunun diş ərpində turşu istehsalını da əhəmiyyətli dərəcədə azaltdığını müəyyən ediblər.
Araşdırmada şirinləşdirilmiş zoğal içkisinin diş ərpində bakteriyaların artımını azaltmaq baxımından eyni təsiri göstərmədiyi müəyyən edilib.
Alimlər zoğalda olan proantosianidin adlı birləşmələrin diş çürüməsinə səbəb olan bakteriyaların çoxalmasını zəiflədə biləcəyinə diqqət çəkiblər.
Tədqiqatçılar zoğal suyunun diş çürüməsinin qarşısını alıb-almadığının hələ məlum olmadığını vurğulayıblar.
Az sayda iştirakçının qatıldığı araşdırmanın zoğalın ağız və diş sağlamlığına təsirlərini müəyyənləşdirmək üçün daha genişmiqyaslı tədqiqatlarla dəstəklənməli olduğu bildirilib.
Araşdırma Scientific Reports jurnalında dərc olunub.
