Prezident: "Eyni dizaynla “Cəbrayıla xoş gəlmişsiniz!” lövhəsini bərpa etdik"
AFN xəbər verir ki, bunu aprelin 26-da Azərbaycan Prezidenti İlham Əliyev Cəbrayıl rayonunun girişində “Cəbrayıla xoş gəlmişsiniz!” sözləri yazılmış lövhənin qarşısında çıxışı zamanı deyib.
"Sovet vaxtında bu abidə, - əgər belə demək mümkündürsə, - qoyulmuşdur, ucaldılmışdır və işğal dövründə tamamilə sökülüb, paslanıb. Bunun paslanmış görüntüləri artıq mətbuatda da var. Ona görə tarixi ədaləti bərpa edərək Cəbrayıl rayonunun girişində yerləşən bu “Xoş gəlmişsiniz!” lövhəsini, abidəni biz yenidən bərpa etdik. Azad edilmiş bütün torpaqları bərpa edəcəyik, bütün şəhərləri, kəndləri bərpa edəcəyik"- deyə ölkə başçısı qeyd edib.
