Şəhriyar Məmmədyarov: “28 ildir, onunla oyunu gözləyirdim”
Xəbər verdiyimiz kimi, şahmatçımız Şəhriyar Məmmədyarov Xorvatiyanın paytaxtı Zaqrebdə keçirilən "Croatia Grand Chess Tour”un blits turnirinin 6-cı turunda eks-dünya çempionu, Rusiyanı təmsil edən Harri Kasparov üzərində 7 gedişə qələbə qazanıb.
AFN xəbər verir ki, idmançı sosial şəbəkədə qələbə sevincini paylaşıb.
"28 ildir, şahmatla məşğul oluram. Hər zaman tarixin ən sevdiyim şahmatçısı Kasparov olub. Oyunları inanılmaz olub. 28 ildir, hər zaman onunla oyunu gözləyirdim və cəmi 7 gedişə qalib gəldim. Bu isə hər 4 ilə 2 gediş deməkdir. (Siz hələ də dostunuzla şahmat oynayanda "bir az tez oyna" deyirsiz?). O bir dahi şahmatçıdır. Biz isə tarixin bir parçası", - deyə Məmmədyarov qeyd edib.
