Naxçıvan istiqamətində mövqelərimiz növbəti dəfə atəşə tutulub
Ermənistan silahlı qüvvələri tərəfindən Naxçıvan istiqamətində mövqelərimiz növbəti dəfə atəşə tutulub.
Müdafiə Nazirliyindən AFN-ə verilən məlumata görə, bu gün günorta saatlarında Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsində yerləşən mövqelərindən Naxçıvan Muxtar Respublikasının Sədərək rayonu Heydərabad yaşayış məntəqəsi istiqamətində yerləşən Azərbaycan Ordusunun mövqelərini müxtəlif çaplı silahlardan atəşə tutub.
Azərbaycan Ordusunun şəxsi heyəti arasında həlak olan və yaralanan yoxdur.
Qarşı tərəf cavab atəşi ilə susdurulub.
Əməliyyat şəraiti bölmələrimizin nəzarəti altındadır.
